Videoconto: Ciclo do lixo (cap 10)

Neste capítulo, adicado ao ciclo do lixo, Anselmo Trebón queda atrapado no contedor amarelo tras intentar investigar o tipo de refugallos depositados no mesmo. Non entende como é posible que polas noites o contedor estea cheo e pola mañá non haxa nada. Os nosos amigos explícanlle que o lixo non desaparece por arte de maxia, senón que se recolle polos servizos municipais, transportándoo aos correspondentes centros de tratamento para ser reciclado e/ou tratado. Sogama encárgase concretamente de dúas fraccións: os materiais depositados nos contedores amarelos (envases de plástico, latas e briks), que selecciona por tipoloxías para remitir á industria transformadora, e os restos non reciclables introducidos pola cidadanía nos contedores verdes xenéricos, que converte, con todas as garantías medioambientais, en electricidade.